Paa-Ba-Gil Sab Hai Rihayi Ki Kare Tadbeer Kon

Paa-Ba-Gil Sab Hai Rihayi Ki Kare Tadbeer Kon
Dast-Basta Shehar Mein Khole Meri Zanjeer Kon

Mera Sar Haazir Hai Lekin Mera Munsif Dekh Le
Kar Raha Hai Mere Fard-e-Jurm Ki Tehreer Kon

Aaj Darwaazon Pe Dastak Jaani Pehchaani Si Hai
Aaj Mera Naam Leta Hai Meri Taazeer Kon

Neend Jab Khuwaabon Se Piyaari Ho To Aise Ahad Mein
Khuwaab Dekhe Kon Aur Khuwaabon Ko De Taabeer Kon

Ret Abhi Pichhle Makanon Ki Na Waapas Aayi Thi
Phir Lab-e-Saahil Gharaunda Kar Gaya Taameer Kon

Saare Rishte Hijraton Mein Saath Dete Hai To Phir
Shehar Se Jaate Huwe Hota Hai Daaman-Geer Kon

Meri Chaadar To Chhini Thi ShaaM Ki Tanhaai Ne
Be-Ridaai Ko Meri Phir De Gaya Tashaheer Kon

Dushmanon K Saath Mere Dost Bhi Aazad Hai
Dekhna Hai Kheenchta Hai Mujh Pe Pehla Teer Kon