Woh Boli Kuch Likhoon To Ungliyon Se Khoon Rasta Hai
Main Bola Main To Aise Mein Bhi Apne Dil Se Likhta Hoon
Woh Kehti Hai Tumhein Takhti Pe Apne Harf Likh Doon To
Main Kehta Hoon Teri Baatein Mere Baste Mein Aa Jayein
Woh Kehti Hai Balayein Jab Bhi Mera Naam Leti Hain
Main Kehta Hoon Tujhe Meri Duayein Thaam Leti Hain
Woh Mujh Se Poochti Hai Mujh Se Baatein Kyun Nahi Karte
Main Kehta Hoon Abhi To Dekhne Ki Manzilon Per Hoon
Mohabbat Mein Safar Kitna Zaroori Hai Woh Kehti Hai
Main Kehta Hoon Mohabbat Mein Kahin Thehra Nahi Jaata
Woh Mujh Se Poochti Hai Aashiyane Jal Gaye Honge
Main Kehta Hoon Ke Shayed Itefaqan Bach gay hongay
Woh Mujh Se Poochti Hai Aaj Phir Goli CHali Ho Gi
Main Kehta Hoon Ke Han Kuch Mayatein Ayi Hain Basti Mein
Woh Kehti Hai Khamoshi Farsh Per Saye Banati Hai
Mein Kehta Hoon Udaasi Weham Banti Ja Rahi Ho Gi
Woh Boli Aa Tujhe Main Dasht Ke Mani Batati Hoon
Main Bola Aa Tujhe Apne Dil Mein Le Ke Chalta Hoon
0 Blogger Comments