Shareek-e-Gul Bhi Raha, Awara-a-Saba Bhi Raha

Shareek-e-Gul Bhi Raha, Awara-a-Saba Bhi Raha 
Aur Apni Zaat K Sehra Mein La-pata bhi Raha 

Milay Har Ik Say Taanay Salamti k Mujhay 
Kissay Khabar K Maiin Andar Say Tootta Bhi Raha 

Hui Ajeeb Zamanay Mein Parwrish Meri 
kamar Tanni Bhi Rhi, Hath Mein Aasa Bhi Raha 

Wo Mujh Say Chahta Kya Tha Mujhay Khabar Na Hui, 
Mein Bikharta Bhi Raha Khud Ko Sametta bhi Raha 

Kati Hai Umar meri aisay Ajeeb Dorahay per, 
Main Apnay Aap Say Khush Bhi Raha Khafa Bhi Raha.!