mujhe bujha de, mera dard mukhtasir kar de


mujhe bujha de, mera dard mukhtasir kar de
magar diye ki tarah mujh ko mo’atbar kar de

meri talaash ko benaam-o-besafar kar de
main tera raasta chhoRuu to dar-ba-dar kar de

judaaiyoN kii ye raateN to kaatnii ho'ngii
kahaaniyoN ko ko’ii kaise muKhtasir kar de

tere Khayaal ke haathoN kuch aisaa bikhraa hoon
ke jaise bachaa kitaabein idhar-udhar kar de
Comments
0 Blogger Comments