Rafta Rafta Dar-o-Deewar Khulen Ge Mujh Par

Rafta Rafta Dar-o-Deewar Khulen Ge Mujh Par
Shehr-e-Gham Tere Sab Israar Khulen Ge Mujh Par

Pehla Pathar Mery Ehbaab Hi Maren Ge Mujhe
Baad Mein Sab Lab-e-Izhar Khulen Ge Mujh Par

Band Ankhon Se Sbhi Dekh Rahe Hain Mujhe
Janay kab Deeda-e-Bedaar Khulen Ge Mujh Par

Azmany ki Koi Shart Na Rakhi Mein Ne
Kis Tarah Meray Wafadaar Khulen Ge Mujh Par

Sar Uthane ki Kisi Roz jo Fursat Hogi
Kitny Manzir Sar-e-Kohsaar Khulen Ge Mujh Par

Samny Aye Ge Jis Waqt Meri Jan-e-Ghazal
Mery Mani Mery Ashaar Khulen Ge Mujh Par

Manzil-e-Fukr Se Guzron Ga Mein Jis Dam
Khud-Ba-Khud Shahon k Darbaar Khulen Ge Mujh Par
Comments
0 Blogger Comments