Pathar Ba Dast Hum Ko Yahan Har Bashar Mila..



Pathar Ba Dast Hum Ko Yahan Har Bashar Mila..
Khud Ko Mita Diya To Kahein Ja K Ghar Mila..

Auron Ki Zaat Say Usay Nisbat Hay Is Qadar..
Wo Raazdar Hum Say Sada Be Khabar Mila..

Sehra Ka Abar Liye Barson Kiya tawaf..
Aankhein Wizoo Hi Kar Sakay Bas Is Qadar Mila..

Kuch To Samandaron Mein Utarna Muhaal Tha..
Aur Rastay Ki Dhool Mein Kis Ko Guahar Mila..

Manzil Mili Na Raat Ki Chaadar Simt Saki..
Bujhta Huwa Sa Deep Hamein Dhoond Kar Mila..

Aur Aakhir Wo So Gaya PalKon Ko Mound Kar..
Ik Bheegta Sa Khawab Hamein Khaak Par Mila..

Dil Ka Sukoon Hum Nay Ganwa To Diya Batool..
Ik Laa Zawal Kurub E Musalsal Magar Mila..
Comments
0 Blogger Comments