Yehi Huwa ki Hawa Le Gayi Urra k Mujhe

Yehi Huwa ki Hawa Le Gayi Urra k Mujhe
Tujhe to kuch Na Mila Khaak Mein Mila k Mujhe

Bus Ek Goonj Hai jo Saath Saath Chalti hai
Kahan Ye Chorr Gaye Faasale Sada k Mujhe

Charagh Tha To Kisi Taaq Hi Mein Bujha Rehta
Ye Kya Kiya K Havaale Kiya Hawa k Mujhe

Ho Ek Adaa To Use Naam Doon Tamanna ka
Hazaar Rang Hain Is Shola-e-Hina k Mujhe

Buland Shaakh se Uljha tha Chaand Pichale Pahar
Guzar Gaya Hai koi Khuwaab Sa Dikha k Mujhe

Hazaar Baar Khula Zehan Baad-Baan ki Tarah
Nukoosh-e-Paa Na Mile Umar-e-Baad Paa k Mujhe

Main Apni Mauj Mein Dooba Huwa Jazeera Hoon
Utar Gaya hai Samandar Buland Pa k Mujhe