Khuwaab Ban Kar Meri Nazar Mein Raho..

Khuwaab Ban Kar Meri Nazar Mein Raho.. 
Tum Ko Haq Hai Tum Apne Ghar Mein Raho.. 
Kiyon Bhalaa Zid Hai Laut Jaane Ki..? 
Saath Mere Isi Safar Mein Raho.. 

Mujh Mein Rakh K Bhula Do Khud Ko Tum.. 
Is Tarah Ishq K Asar Mein Raho.. 
Dil Mein Jo Bhi Hai Khul K Keh Do Naa.. 
Jaana Ab Kiyon Agar Magar Mein Raho.. 

Hai Ye Khuwaahish Zameen Pe Aa Jaao.. 
Aarzoo Ban k Mat Qamar Mein Raho.. 
Dil k Aangan Mein Aa K Bas Jaao.. 
Kon Kehta Hai Bus Dagar Mein Raho..? 

Meri Har Baat Bhi Ho Jaaye Ghazal.. 
Lafz Ban Kar Jo Tum Hunar Mein Raho..