Paron Ko Khol Zamaana Urraan Dekhta Hai

Paron Ko Khol Zamaana Urraan Dekhta Hai 
Zameen Pe Baith k Kiya Aasmaan Dekhta Hai 

Jo Chal Raha Hai Nigaahon Mein Manzilen Le Kar 
Wo Dhoop Mein Bhi Kahaan Saaibaan Dekhta Hai 

Khandar Mein Ye Kis ko Mehal Ki Talaash Le Aayi ? 
Ye Kon Ruk k Meri Aan Baan Dekhta Hai 

Yehi Wo Shehar Jo Mere Labo'n Se Bolta Tha 
Yahi Wo Shehar Jo Meri Zubaan Dekhta Hai 

Mila Hai Hussn To Us Hussn ki Hifaazat kar 
Sambhal K Chal Tujhe Saara Jahaan Dekhta Hai 

Kaneez Ho Koi Yaa Koi Shehzaadi Ho 
Jo Ishq karta Hai kab Khaandaan Dekhta hai 

Main Jab Makaan k Baahar Qadam Nikaalta Hoon 
Ajab Nigaah Se Mujh ko Makaan Dekhta Hai
Comments
0 Blogger Comments