Palkon Pe Aansoun Ko Sajaya Na Ja Saka,

Palkon Pe Aansoun Ko Sajaya Na Ja Saka, 
Us Ko Bhi Dil Ka Haal Bataya Na Ja Saka. 

Zakhmo Se Choor Choor Tha Yeh Dil Mera, 
Ek Zakham Bhi Us Ko Dikhaya Na Ja Saka. 

Jab Teri Yaad Aai Tu Koshish K Ba Wajood, 
Aankhon Me Aansoun Ko Chupaya Na Ja Saka. 

Kuch Log Zindagi Me Aise Bhi Aaye Hain. 
Jin Ko Kisi Bhi Lamhe Bhulaya Na Jaa Saka. 

Bas Is Khayaal Se Kahi Us Ko Dukh Na Ho, 
Hum Se Tu HAAL-E-GHAM Bhi Sunaya Na Ja Saka. 

Wo Muskuraa Raha Tha Mere Ru-Ba-Ru Magar, 
Chehre Ka Rang Us Se Chupaya Na Ja Saka. 

Tanhaiyon Ki Aag Me Hum Jal Gaye, 
Magar Faasla Anaa Ka Mitaya Na Ja Saka.