Mahjabeenon Ki Adaoun Se Ulhaj Betha Hon..

Mahjabeenon Ki Adaoun Se Ulhaj Betha Hon.. 
Iska Matlab Hy Balaoun Se Ulhaj Betha Hon.. 

Baab-e-Taseer Se Nakaam Palat Aai Hain, 
Isliye Apni Duaoun Se 
Ulhaj Betha Hon.. 

Teri Dehleez Pe Jhukney Ka Sawaal Aaya Tha, 
Main Zamaney Ki Anaoun Se Ulhaj Betha Hon.. 

Jo Musafir K Liye Bais-e-Taskeen Nahi, 
Ayse Ashjaar Ki Chhaoun Se Ulhaj Betha Hon.. 

Jo Ghareebon Ka Diya Phoonk K Tham Jati Hain, 
Aysi Kamzarf Hawaoun Se Ulhaj Betha Hon.. 

Arsh Walay Meri Toqeer Salamat Rakhna 
Farsh K Saaray Khudaoun Se Ulhaj Betha Hon.. 

Us Aik Shakhs Ki Be-rabt Jafa Ki Khaatir, 
Shehar Waalo Ki Wafaoun Se Ulhaj Betha 
Hon..